fecha noticia 05/04/16
Responsables de Cafés Candelas e David Delfín presentaron, no marco do Salón de Gourmets que se celebra en Madrid, a nova imaxe da liña de cafés Sublime de Cafés Candelas creada polo deseñador de moda David Delfín.
Esta nova imaxe aplicouse ás tolvas de café e a vaixela de Sublime, elementos que se distribuirán entre os establecementos hostaleiros que consumen esta variedade de café.
Con este proxecto Cafés Candelas quere apostar por unha imaxe moderna, actual e ligada a un deseñador de prestixio internacional como é David Delfín, para a súa liña de cafés premium.
Un deseño exclusivo realizado polo prestixiosos deseñador de moda David Delfín que aporta presencia e distinción a gama. A imaxe moderna e actual é un exercicio de creatividade que posiciona Sublime como un referente internacional no deseño e converte aos elementos da marco e ao propio café en obxectos de desexo.
Ao final da presentación terá lugar unha degustación de café Sublime para todas as persoas que se acheguen ao stand.
Sublime é un blend que recupera o espírito da tradición da auténtica tostadura italiana e a orixe 100% arábica. Esta gama, dispoñible nas variedades de natural e descafeinado, é para Candelas a cume da gama premium, a máxima expresión de café, un blend puro deseñado para satisfacer o pracer polo pracer.
Un gran fino e aromático que crea un café extraordinario, que ensalza o sabor de cada gota. A tostadura italiana imprime o carácter gourmet a Sublime, xa que engrandece o aroma de cada gran conservando o seu sabor orixinal e creando un corpo consistente e cremoso. A tostadura ideal para o perfecto espresso.
Notas de cata Sublime: corpo elevado, aroma intenso, acidez media-alta, persistente na boca.
Sublime forma parte da liña The Premium Coffee, a referencia top desta gama premium. Ademais da calidade de Sublime, un blend gourmet, a gama ofrece unha serie de servizos que aportan valor engadido aos clientes.
A exclusividade e excelencia de Sublime, gama que se comercializa exclusivamente na canle Horeca, tradúcese a toda a gama de elementos e servizos ofrecidos por Candelas aos seus clientes. Así, os hostaleiros dispoñen dun plan personalizado de formación e seguimento por parte de Candelas, así como unha serie de vantaxes e detalles comerciais pola súa fidelidade.
Ademais, a exclusividade de Sublime tradúcese na súa imaxe, deseñada polo prestixioso deseñador de moda David Delfin, que crea unha tolva e unha vaixela únicas, a altura dun blend especial.
Cafés Candelas é unha empresa familiar con máis de 40 anos de experiencia no sector do café. Un exemplo de crecemento progresivo e sostible, evolucionando de pequena empresa familiar a compañía con implantación internacional na distribución alimentaria hostaleira.
O esforzo e dedicación das xeracións de Candelas convertérona na marca líder a nivel nacional en comercialización de café e complementos de canle Horeca, onde concentra o 85% das súas ventas. O negocio en alimentación supón o 13% da nosa facturación, mentres que o vending e a venda online ocupan o 1%.